İranlı şahmatçı: Naxçıvan beynəlxalq şahmat festivallarının keçirilməsi üçün əlverişli məkandır
Naxçıvan, 5 may, AZƏRTAC
İlk dəfədir ki, Naxçıvanda təşkil olunan şahmat festivalında iştirak edirəm. Burada şahmat idman növünün inkişafı üçün hər cür şərait yaradılıb.
Bu sözləri AZƏRTAC-ın Naxçıvan bürosuna müsahibəsində “Naxçıvan-2018” Beynəlxalq Şahmat Festivalında iştirak edən İran təmsilçisi, beynəlxalq usta Əlirza Firuzca deyib.
Əlirza Firuzca festivalın yüksək səviyyədə təşkil olunduğunu, şahmatçıların rahatlığı üçün hər cür şərait yaradıldığını vurğulayıb.
“Xüsusilə qeyd etmək istərdim ki, turların keçirildiyi Şahmat Mərkəzində çox gözəl şərait var. Naxçıvan şəhəri də biz şahmatçılar üçün əlverişli məkandır, çünki burada təmiz hava, gözəl təbiət və sakitçilik var. Bu mənada burada beynəlxalq şahmat festivallarının keçirilməsi təsadüfi deyil”, - deyən Əlirza Firuzca gələcəkdə təşkil olunacaq növbəti festivallarda da iştirak etmək istədiyini bildirib.
Bölmənin digər xəbərləri
