Karol Navrotski polşalı hərbçilərin Ukraynaya göndərilməsini mənasız hesab edir
Bakı, 9 sentyabr, AZƏRTAC
Fikrimcə, Polşa hərbçilərinin Ukraynaya göndərilməsi mümkün deyil və buna ehtiyac yoxdur. Mən buna razılıq vermək niyyətində deyiləm.
AZƏRTAC xəbər verir ki, Polşa Prezidenti Karol Navrotski bu barədə Finlandiya Prezidenti Aleksander Stubb ilə Helsinkidə keçirilən görüşdən sonra keçirilən mətbuat konfransında deyib.
Polşa lideri, həmçinin Ukraynaya qoşun göndərməklə bağlı müttəfiqlərin hələlik konkret açıqlamalarının olmadığını qeyd edib.
Karol Navrotskinin sözlərinə görə, belə bir addım atılsa, Ukraynaya NATO-nun şərq cinahı dövlətlərinin deyil, digər üzv ölkələrin hərbçiləri göndərilməlidir. Polşa Prezidenti, eyni zamanda, Varşavanın “uzunmüddətli sülhədək” Kiyevə dəstəyinin davam edəcəyinə vəd verib.
Bölmənin digər xəbərləri
