KƏND TƏSƏRRÜFATI VƏ HEYVANDARLIQDA YÜKSƏK MƏHSULDARLIQ ƏLDƏ OLUNMUŞDUR
Ötən il Qəbələ rayonunda meyvəçilik, taxılçılıq, üzümçülük, tütünçülük və heyvandarlıq sahələrində yüksək məhsuldarlıq əldə olunmuşdur.
Rayon icra hakimiyyətindən AZƏRTAC-a bildirmişlər ki, hesabat dövründə 36248 ton taxıl, 1752 ton qarğıdalı, 8370 ton tərəvəz, 6415 ton kartof, 1546 ton bostan məhsulları, 56,2 ton tütün, 10670 ton meyvə istehsal edilmişdir ki, bu da əvvəlki ildəkindən xeyli çoxdur.
Bu ilin məhsulu üçün 18573 hektar sahədə payızlıq taxıl səpilmişdir. Bu, əvvəlki ildəkindən 113 hektar artıqdır. Rayonda 110 hektar üzüm bağı salınmış, 45 hektar sahədə şəkər çuğunduru əkilmişdir.
2006-cı ildə rayonda heyvandarlıq sahəsində də müsbət nəticələr əldə olunmuşdur. Belə ki, 2007-ci il yanvarın 1-dək iribuynuzlu mal-qaranın sayı 50666 başa, qoyun və keçilərin sayı 21338 başa, donuzların sayı 4725 başa, quşların sayı 309861 başa çatdırılmışdır.
Bölmənin digər xəbərləri
