“Kəpəz” - “Turan Tovuz” matçı qolsuz heç-heçə ilə başa çatıb
Bakı, 13 noyabr, AZƏRTAC
Futbol üzrə Azərbaycan Premyer Liqasında XIV turun daha bir oyunu keçirilib.
AZƏRTAC xəbər verir ki, “Kəpəz” klubu Gəncədə “Turan Tovuz”u qəbul edib. Matç qolsuz heç-heçə ilə başa çatıb.
Bu nəticədən sonra xallarını 9-a çatdıran Gəncə təmsilçisi turnir cədvəlində 9-cu pillədə qalıb. On altı xalı olan qonaqlar isə 6-cı pillədəki mövqeyini qoruyub.
Qeyd edək ki, turun əvvəlki oyunlarında "Şamaxı" evdə "Sumqayıt"ı 4:2, "Zirə" "Səbail"i 1:0, "Neftçi" isə "Qəbələ"ni 2:0 hesabı ilə məğlub edib. Tura bu gün keçiriləcək "Sabah" - "Qarabağ" matçı ilə yekun vurulacaq.
Bölmənin digər xəbərləri
