Kilian Mbappe Fransa futbolunun ən nüfuzlu şəxsi seçilib
Bakı, 7 yanvar, AZƏRTAC
“L'Équipe” nəşri 2022-ci il üçün Fransa futbolunun ən nüfuzlu şəxslərinin illik siyahısını açıqlayıb.
AZƏRTAC xəbər verir ki, siyahıya “Paris-Sen-Jermen”in (PSJ) və Fransa millisinin hücumçusu Kilian Mbappe başçılıq edir. İkinci yeri "Real Madrid"in və Fransa millisinin hücumçusu Kərim Benzema, üçüncü pilləni isə PSJ-nin və Argentina yığmasının hücumçusu Lionel Messi tutub.
Ötən ilin qalibi hakim Stefani Frappard 18-ci yerə enib. “Nitsa”nın hazırkı baş məşqçisi Kristof Qaltye isə ötənilki reytinqlə müqayisədə səkkizinci yerdən dördüncü yerə yüksəlib.
Bölmənin digər xəbərləri
