KİV-lər: Əbdülfəttah Əs-Sisi Misir prezidenti seçkilərində liderlik edir
Qahirə, 29 mart, AZƏRTAC
Misir KİV-ləri xəbər verir ki, Misirin indiki prezidenti Əbdülfəttah əs-Sisi ölkə ərazisində tam bir sıra seçki məntəqələrində səslərin ilkin hesablanmasından sonra böyük səs fərqi ilə dövlət başçısı seçkilərində liderlik edir.
AZƏRTAC xəbər verir ki, seçki məntəqələrindən daxil olan ilkin məlumata görə, Əbdülfəttah əs-Sisi məntəqələrin əksəriyyətində seçici səslərinin 90 faizindən çoxunu toplayaraq, öz rəqibini, Misirin “Al Qad” partiyasının lideri Musa Mustafa Musanı xeyli qabaqlayır.
Bildirilir ki, 5.934 seçki məntəqəsindən daxil olan məlumat Əbdülfəttah əs-Sisinin seçkilərdə lider olduğunu aydın surətdə göstərir. Ona 9 milyon 200 min adam, “Al Qad” partiyasının lideri Musa Mustafa Musaya yalnız 260 min seçici səs verib, 500 min səs etibarsız sayılıb.
Xatırladaq ki, ölkə ərazisində 13.706 seçki məntəqəsi fəaliyyət göstərib.
Səslərin hesablanması davam edir. Prezident seçkilərinin rəsmi nəticələri xarici ölkələrdə yaşayan Misir vətəndaşlarının səsverməsinin nəticələri ilə birlikdə aprelin 2-də açıqlanacaq.
Asya Hacızadə
AZƏRTAC-ın xüsusi müxbiri
Qahirə
Bölmənin digər xəbərləri
