Kşiştof Piontek “Fiorentina” klubuna keçməyə yaxındır
Bakı, 6 yanvar, AZƏRTAC
Almaniya Bundesliqasının ilk dövrəsində zəif oyunu ilə yadda qalan “Herta Berlin” və Polşanın millisinin hücumçu Kşiştof Piontek qış transfer pəncərəsində klubu tərk edəcək.
AZƏRTAC xəbər verir ki, italiyalı jurnalist Canluka Di Marzio “Fiorentina” klubunun 26 yaşlı oyunçunu icarəyə götürəcəyini açıqlayıb. İtaliya klubunun mövsümün sonunda 15 milyon avro qarşılığında futbolçunun satınalma hüququna sahib olacağı bildirilib.
Tanınmış futbol jurnalisti “Herta Berlin” klubunun bu təklifə razılaşdığını, lazımi sənədlərin imzalanması və tibbi müayinədən keçmək üçün K.Piontekin yanvarın 7-də İtaliya klubunun düşərgəsinə yollanacağını qeyd edib.
Cari mövsüm polşalı futbolçu “Herta Berlin” klubunun heyətində 10 oyunda meydana çıxıb, 1 qol və 2 məhsuldar ötürmə ilə yadda qalıb.
Bölmənin digər xəbərləri
