Laçınlı məcburi köçkünlər talassemiyalı və hemofiliyalı xəstələrə dəstək olublar
Ağcabədi, 29 dekabr, AZƏRTAC
Laçınlı məcburi köçkünlərin məskunlaşdıqları Ağcabədi rayonunun Taxtakörpü ərazisində hemofiliya, talassemiya və digər qan xəstəliklərindən əziyyət çəkənlərə yardım məqsədilə qanvermə aksiyası keçirilib.
AZƏRTAC-ın bölgə müxbiri xəbər verir ki, Səhiyyə Nazirliyinin və Laçın Rayon İcra Hakimiyyətinin birgə təşkilatçılığı ilə reallaşan humanitar aksiyada 60 nəfər iştirak edib. B.Eyvazov adına Elmi-Tədqiqat Hematologiya və Transfuziologiya İnstitutunun Mərkəzi Qan Bankının əməkdaşları tərəfindən toplanan qan müayinədən keçdikdən sonra xəstələrin müalicəsində istifadə olunacaq.
Bölmənin digər xəbərləri
