LATVİYADA AZƏRBAYCAN XALQ CÜMHURİYYƏTİNİN YUBİLEYİ QEYD OLUNMUŞDUR
Azərbaycanın Latviyadakı səfirliyindən AZƏRTAC-a bildirmişlər ki, səfirlik Riqa Latış Cəmiyyətində Azərbaycan Xalq Cümhuriyyətinin 90 illik yubileyi ilə əlaqədar qəbul təşkil etmişdir.
Səfir Tofiq Zülfüqarov siyasətçiləri, diplomatları, ictimaiyyətin nümayəndələrini və ümumiyyətlə Azərbaycanın dostlarını salamlayaraq xalq cümhuriyyətinin tarixindən danışmışdır. O, Azərbaycan ilə Avropa İttifaqı arasında münasibətlərin qurulmasında Latviyanın rolunu yüksək qiymətləndirmişdir.
Gecədə Riqa klassik gimnaziyasının direktoru Roman Əliyevin “Azərbaycan tarixinin labirintləri ilə” kitabının təqdimatı olmuşdur. Müəllif ümidvar olduğunu bildirmişdir ki, tezliklə Azərbaycan dilində də latış tarixi və mədəniyyəti barədə oçerklər nəşr olunacaqdır.
Bölmənin digər xəbərləri
