Mərkəzi Komandanlıq: ABŞ helikopterin vurulmasına cavab olaraq həyata keçirdiyi zərbələri yekunlaşdırıb
Vaşinqton, 10 iyun, AZƏRTAC
ABŞ Mərkəzi Komandanlığı qüvvələri dünən ABŞ ordusuna məxsus “Apache” helikopterinin vurulmasına cavab olaraq, 9 iyun tarixində Baş Komandanın göstərişi ilə İrana qarşı həyata keçirdiyi özünümüdafiə zərbələrini yekunlaşdırb.
AZƏRTAC xəbər verir ki, bu barədə Komandanlıq açıqlama yayıb.
Bildirilir ki, Mərkəzi Komandanlıq qüvvələri Hörmüz boğazı yaxınlığındakı İran hava hücumundan müdafiə sisteminə, yerüstü idarəetmə stansiyaları və müşahidə radar məntəqələrinə ABŞ Hərbi Hava Qüvvələri və Donanmasının qırıcı təyyarələrindən dəqiqliklə zərbələr endirib. Əməliyyatın ABŞ qüvvələrinə və regional sulardan keçən beynəlxalq ticarət gəmilərinə son hücumlara cavab olduğu deyilir.
“ABŞ qüvvələri əsassız İran təcavüzünə qarşı müdafiə olunmaq üçün ayıq-sayıq və hazır vəziyyətdədir”,- deyə açıqlamada vurğulanır.
Bölmənin digər xəbərləri
