Litvadan İtaliyaya uçan təyyarədə cəmi bir sərnişin olub
Vilnüs, 7 aprel, AZƏRTAC
Litva vətəndaşı Skirmantas Strimaytis Vilnüsdən İtaliyaya uçan “Boeing 737-800” tipli təyyarənin yeganə sərnişini olub.
AZƏRTAC xəbər verir ki, 188 nəfərlik sərnişin daşıma qabiliyyətinə malik təyyarədə litvalı sərnişin İtaliyanın Bergamo aeroportuna iki pilot və beş bort köməkçisi ilə birlikdə uçub.
Turist şirkəti “Novatrus” məlumat yayıb ki, əslində təyyarə İtaliyadan Litvaya turist qrupunu gətirmək üçün göndərilib. Sadəcə boş uçmasın deyə turfirma yalnız bir tərəfə bilet satıb. Məhz həmin biletlərdən cəmi bir nəfər alıb.
Aygün Əliyeva
AZƏRTAC-ın xüsusi müxbiri
Vilnüs
Bölmənin digər xəbərləri
