Maliyyə Nazirliyinin dövlət istiqrazlarının yerləşdirilməsi üzrə hərrac keçirilib
Bakı, 18 aprel, AZƏRTAC
“Bakı Fond Birjası” QSC-də Maliyyə Nazirliyinin AZ0104003683 ISIN kodlu, tədavül müddəti 364 gün olan 35 milyon manat məbləğində dövlət istiqrazları üzrə hərrac keçirilib.
Maliyyə Nazirliyinin mətbuat xidmətindən AZƏRTAC-a bildiriblər ki, AZ0104003683 ISIN kodlu dövlət istiqrazları üzrə investorlar tərəfindən təqdim edilən sifarişlərin nominal üzrə ümumi məbləği 137.4 milyon manatdır. Maliyyə Nazirliyi tərəfindən 35 milyon manat məbləğində dövlət istiqrazlarının rəqabətli sifarişlər üzrə orta ölçülmüş qiyməti 92.5841 manat (gəlirlilik 8.9000 faiz) səviyyəsində müəyyənləşdirilib. İstiqrazlar 2019-cu il aprelin 16-da ödəniləcək.
Bölmənin digər xəbərləri
