MASALLI RAYONUNUN GÜLLÜTƏPƏ KƏNDİNDƏ TORPAQ SÜRÜŞMƏSİNİN ƏHATƏ DAİRƏSİ GENİŞLƏNİR
AZƏRTAC xəbər verir ki, aprelin 24-də Masallı rayonunun Güllütəpə kəndində baş vermiş torpaq sürüşməsinin əhatə dairəsi yağışlar nəticəsində 2 hektardan 3,5 hektara, aktiv sürüşmə zonasında torpaq çatlarının dərinliyi 15 metrƏ, eni isə 2 metrə çatmışdır. Rayon fövqalədə hallar komisisyası təhlükəli ərazidə yerləşən 11 ailənin köçürülməsini təmin etsə də, mütəxəssislər daha 23 evin aktiv sürüşmə zonasında yerləşdiyini bildirmişlər.
Ekologiya və Təbii Sərvətlər Nazirliyinin geoloji ekspedisiya qrupu sürüşmə zonasında tədqiqatlara başlamışlar. Bu məqsədlə ərazidə 22 metr dərinliyində kəşfiyyat quyusu qazılmışdır.
İlkin araşdırmalar bunu deməyə əsas verir ki, kənddə torpaq sürüşməsinə səbəbi ərazidə yeraltı suların axınının güclənməsidir.
Bölmənin digər xəbərləri
