MELİORASİYA VƏ SU TƏSƏRRÜFATININ İNKİŞAFI İLƏ BAĞLI YENİ DÖVLƏT PROQRAMI QƏBUL EDİLƏCƏKDİR

04.05.2008 [01:32]
Çap et
A⁺ A^-

AZƏRTAC xəbər verir ki, dövlət başçısının göstərişi ilə “Meliorasiya və Su Təsərrüfatı” Açıq Səhmdar Cəmiyyəti “Azərbaycan Respublikasında meliorasiya və su təsərrüfatının 2008-2015-ci illər üzrə davamlı inkişafı Dövlət Proqramı”nın layihəsini haırlamışdır. Sənəd müvafiq nazirlik, komitə və digər təşkilatlarla razılaşdırılmış və Nazirlər Kabinetinə təqdim edilmişdir. Sənədin tezliklə ölkə Prezidenti tərəfindən təsdiqlənəcəyi gözlənilir.

Proqramda nəzərdə tutulmuş tikinti və yenidənqurma işlərinin həyata keçirilməsi nəticəsində 2008-2015-ci illərdə ümumi tutumu 772 milyon kubmetr olan 16 su anbarı, 825 kilometr uzunluğunda suvarma kanalları çəkiləcək, 43,4 min hektar yeni suvarılan torpaqlar istifadəyə veriləcək, 385 min hektardan artıq suvarılan sahənin su təminatı və 256 min hektar sahənin meliorativ vəziyyəti yaxşılaşdırılacaq, 118 kilometr qoruyucu bənd tikiləcəkdir.

Göstərilən bütün tədbirlər torpaqların məhsuldarlığının yüksəldilməsinə, məhsul istehsalının orta hesabla 1,5-2 dəfə artırılmasına şərait yaradacaqdır.

MELİORASİYA VƏ SU TƏSƏRRÜFATININ İNKİŞAFI İLƏ BAĞLI YENİ DÖVLƏT PROQRAMI QƏBUL EDİLƏCƏKDİR

MÜƏLLİFLƏ ƏLAQƏ

Bölmənin digər xəbərləri