MƏRKƏZİ SEÇKİ KOMİSSİYASI MƏTBUAT XİDMƏTİNİN MƏLUMATI
Ümumxalq səsverməsinin (referendumun) keçirilməsinə hazırlıqla əlaqədar olaraq Mərkəzi Seçki Komissiyası üzvlərinin və onun katibliyinin məsul əməkdaşlarının məntəqə və dairə seçki komissiyaları üzvləri üçün avqustun 12-dən başlayaraq keçirdikləri seminar-müşavirələr davam etməkdədir.
Avqustun 16-da seminar-müşavirələri 31 saylı Kəpəz və 32 saylı Nizami, 33 saylı Kəpəz-Nizami və 91 saylı Xanlar-Daşkəsən referendum dairələrində MSK üzvləri Fuad Cavadov və Adil Minbaşı; 14 saylı Qaradağ referendum dairəsində MSK üzvləri Azər Tağıyev və Xanmurad Əhmədov; 76 saylı Lerik-Lənkəran referendum dairəsində MSK üzvü Ramiz İbrahimov və MSK Katibliyi beynəlxalq əlaqələr şöbəsinin məsləhətçisi Ramin Nurəliyev; 29 saylı Əli Bayramlı-Salyan və 94 saylı Hacıqabul-Salyan referendum dairəsində MSK üzvü Ənvər Əliyev və MSK Katibliyi təşkilat şöbəsinin baş məsləhətçisi Əlibaxış Nəsirov; 68 saylı İmişli referendum dairəsində MSK üzvü Vamiq Əsədov və MSK Katibliyi təşkilat şöbəsinin böyük məsləhətçisi Sergey Sidorenko keçirmişlər.
Bölmənin digər xəbərləri
