İDMAN
“Mersedes”in baş direktoru bu şirkətin F1-də qalmaq arzusunda olmasını təsdiqləyib
Bakı, 16 noyabr, AZƏRTAC
“Mersedes” şirkətinin baş direktoru Ola Kallenius bildirib ki, şirkətin “Kral yürüşləri”ndə iştirak etməsi maliyyə baxımından sərfəlidir. Bundan əvvəl “Mersedes”in rəhbəri Toto Volf azarkeşlərin 2021-ci ildə bu komandanı Formula 1-də görəcəklərinə zəmanət vermirdi. Hərçənd, eyhamla bildirmişdi ki, alman kollektivinin çempionatda qalması şansı kifayət qədər yüksəkdir.
AZƏRTAC xəbər verir ki, 2014-cü ildə turbomotorlar Formula 1 yarışlarına qayıdandan sonra “Mersedes” heç bir titulu öz rəqiblərinə verməyib.
“GrandPX.news” saytı Kalleniusun bu sözlərini sitat gətirir: “Biz dalbadal altı çempionatda qalib gəldik. Bu, nadir nailiyyətdir. Marketinq baxımından bu uğur öz xərcini çıxarır. Ona görə bizim bu layihəyə sərmayə qoymağımıza dəyər.
Luis Hemilton və Valtteri Bottasın “Mersedes” ilə müqavilələrinin müddəti 2020-ci il mövsümün sonuna qədər nəzərdə tutulub.