METROPOLİTENİN KOLLEKTİVİ ÜMUMMİLLİ LİDER HEYDƏR ƏLİYEVİN XATİRƏSİNİ YAD ETMİŞDİR
Mərasim iştirakçıları əvvəlcə Fəxri xiyabana gələrək ümummilli liderimiz Heydər Əliyevin məzarı önünə əklil qoymuş, ulu öndərin xatirəsini ehtiramla yad etmişlər.
Metropolitençilər görkəmli oftalmoloq alim, akademik Zərifə xanım Əliyevanın da məzarı üstünə gül-çiçək dəstələri düzmüşlər.
Mərasimi giriş sözü ilə açan metropolitenin rəisi Tağı Əhmədov ümummilli liderimiz Heydər Əliyevin xilaskarlıq missiyasından, xalqımız qarşısında əvəzsiz xidmətlərindən, Milli Qurtuluş gününün tarixindən danışmışdır.
Milli Qurtuluş günü münasibətilə kollektivi təbrik edən T.Əhmədov demişdir ki, xalqımız hər zaman bu günü əziz bayram kimi qeyd edəcəkdir.
Tədbirdə çıxış edənlər bildirmişlər ki, həmişə əməli işləri ilə ölkəmizin ictimai-siyasi həyatında fəallıq nümayiş etdirən Bakı Metropoliteninin kollektivi bundan sonra da ulu öndərin ideyalarına və onun varisi Prezident İlham Əliyevin siyasətinə sadiq qalacaqlar.
