Milli Azərbaycan Tarixi Muzeyində Nəriman Nərimanovun yubileyinə həsr olunan onlayn mühazirələrə başlanılıb
Bakı, 14 aprel, AZƏRTAC
Nəriman Nərimanovun 150 illik yubileyinin qeyd edilməsi haqqında Azərbaycan Respublikası Prezidentinin Sərəncamına müvafiq olaraq AMEA-nın Milli Azərbaycan Tarixi Muzeyinin (MATM) onlayn silsilə mühazirələri başlayıb.
MATM-dan AZƏRTAC-a bildirilib ki, aprelin 14-də baş tutan ilk onlayn məruzədə muzeyin böyük elmi işçisi, tarix üzrə fəlsəfə doktoru Əli Fərhadov “Nəriman Nərimanovun yaradıcılığında milli-dini məsələlərə baxış” mövzusunda çıxış edib. Ə.Fərhadov tərəfindən muzeyin fond materialları və N.Nərimanovun əsərləri əsasında mütəfəkkirin milli və dini həmrəyliyə, dinlər və məzhəblərə baxışı, daşnak terrorizminə qarşı mübarizəsi, multikultural ideyaları təqdim və təhlil olunub.
Muzey əməkdaşlarının mövzu üzrə silsilə çıxışları davam edəcək.
Bölmənin digər xəbərləri
