Miqrasiya xidmətləri sahəsində həyata keçirilən islahatlar müzakirə olunacaq
Bakı, 1 fevral, AZƏRTAC
Fevralın 7-də Azərbaycanda miqrasiya xidmətləri sahəsində hazırda həyata keçirilən islahatlara həsr olunan "AHK-İmpuls" tədbiri keçiriləcək.
AZƏRTAC Alman-Azərbaycan Xarici Ticarət Palatasına ("AHK Azərbaycan") istinadla xəbər verir ki, tədbirin fəxri qonağı Dövlət Miqrasiya Xidmətinin rəisi Vüsal Hüseynovdur. V.Hüseynov "Azərbaycanda miqrasiya sahəsində islahatların həyata keçirilməsi" adlı məruzə ilə çıxış edəcək.
Tədbir iştirakçıları 2019-cu il üçün miqrasiya xidməti tərəfindən nəzərdə tutulan prioritetlər və fəaliyyət, keçirilən islahatlar, həmçinin xarici vətəndaşların miqrasiya çətinliklərinin asanlaşdırılması barədə məlumat əldə edəcəklər.
Bundan başqa, "Ekvita" şirkətinin təsisçisi və direktoru İlqar Mehti 10 il ərzində Azərbaycanda miqrasiya qanunlarının tətbiqi barədə iştirakçılara məlumat verəcək.
Bölmənin digər xəbərləri
