Misir hökuməti tibbi turizmi inkişaf etdirməyi planlaşdırır
Qahirə, 6 aprel, AZƏRTAC
Misir hökuməti tibbi turizm xidmətlərini beynəlxalq arenada inkişaf etdirməyi planlaşdırır.
AZƏRTAC Misir KİV-lərinə istinadla xəbər verir ki, ölkənin Səhiyyə Nazirliyinin planlarına Şərm-əş-Şeyx, Asuan, İsgəndəriyyə, Xurqada, Luksor, habelə Qahirə aeroportlarında tibbi turizm ofislərinin açılması daxildir. Bu ofislərdə əcnəbilər müalicə-sağlamlıq prosedurlarını harada və necə keçirə bilmələri barədə məlumatlandırılacaq. Bundan başqa, Misirdə müalicə olunmağa dair internet resursu işə salınacaq və orada əcnəbi dillərdə bütün zəruri informasiya yerləşdiriləcək.
Qeyd edilir ki, müalicə turizmi ölkəyə əlavə valyuta gətirəcək və Misirdə özəl tibb xidmətlərinin inkişafına təkan verəcək.
Asya Hacızadə
AZƏRTAC-ın xüsusi müxbiri
Qahirə
Bölmənin digər xəbərləri
