Misir Prezidenti konstitusiyaya dəyişikliklərlə bağlı keçirilən referendumda səs verib
Qahirə, 20 aprel, AZƏRTAC
Misir Prezidenti Əbdülfəttah əs-Sisi konstitusiyaya dəyişikliklərlə bağlı keçirilən referendumda səs verib.
AZƏRTAC xəbər verir ki, aprelin 22-nə kimi davam edəcək referendumda 60 milyondan çox seçicinin iştirakı gözlənilir. Səsvermənin nəticələri aprelin sonuna kimi açıqlanmalıdır.
Bütün ölkə ərazisində 14 minə yaxın seçki məntəqəsinin təhlükəsizliyini çoxsaylı təhlükəsizlik qüvvələri qoruyur.
Xatırladaq ki, Milli Seçki Komissiyasının qərarına əsasən, vətəndaşlar hər təklif olunan bəndə ayrıca səs verəcəklər. Konstitusiyaya dəyişikliklər seçicilərin üçdə ikisinin səsinin toplandığı təqdirdə qüvvəyə minəcək.
Asya Hacızadə
AZƏRTAC-ın xüsusi müxbiri
Qahirə
Bölmənin digər xəbərləri
