“Molekulyar Biologiya və Biotexnologiyalar İnstitutunun Elmi əsərləri” jurnalının növbəti nömrəsi çapdan çıxıb
Bakı, 2 oktyabr, AZƏRTAC
“Molekulyar Biologiya və Biotexnologiyalar İnstitutunun Elmi əsərləri” jurnalının növbəti nömrəsi işıq üzü görüb.
İnstitutdan AZƏRTAC-a bildirilib ki, jurnalın bu nömrəsi böyük alim və ictimai-siyasi xadim, akademik Cəlal Əliyevin 95 illik yubileyinə həsr edilib. Yeni nömrədə Molekulyar Biologiya və Biotexnologiyalar İnstitutu ilə yanaşı, respublikanın, eləcə də Türkiyə və Rusiyanın müxtəlif elmi-tədqiqat və ali təhsil müəssisələrində biologiya, aqrar və tibb elmləri sahəsində aparılan multidisiplinar araşdırmaların mühüm nəticələrini özündə əks etdirən 27 məqalə yer alıb.
Qeyd edək ki, beynəlxalq standart seriya nömrələri (çap ISSN - 2709-0744, elektron ISSN - 2709-0752) ilə ingilis dilində nəşr edilən “Molekulyar Biologiya və Biotexnologiyalar İnstitutunun Elmi əsərləri” jurnalı və onun internet saytı (http://www.timbb.az) müasir tələblərə uyğunlaşdırılıb. Jurnal qısa müddətdə “AGRİS”, “ASCI-Database” və s. beynəlxalq indeksləşən bazalara daxil edilib və hazırda digər, o cümlədən “Scopus” və “WoS” kimi nüfuzlu bazalara düşmək istiqamətində intensiv fəaliyyətlər davam etdirilir.
Bölmənin digər xəbərləri
