MONİTORİNQ ZAMANI GÖTÜRÜLMÜŞ NÜMUNƏLƏRİN HEÇ BİRİNDƏ QUŞ QRİPİ DAŞIYICISINA TƏSADÜF EDİLMƏMİŞDİR

15.01.2007 [19:19]
Çap et
A⁺ A^-

Dövlət Baytarlıq Xidmətinin mətbuat mərkəzindən AZƏRTAC-a bildirmişlər ki, quş qripi ilə bağlı yanvarın 8-dən 12-dək davam etmiş monitorinq zamanı götürülmüş nümunələrin müayinəsi başa çatmışdır. Monitorinq zamanı köçəri quşların müvəqqəti məskunlaşdığı ərazilərdən seçmə üsulla ovlanmış 36 çöl quşunun patoloji materialı və 78 çöl quşunun qanı, həmçinin 10 ev quşunun patoloji materialı və ayrı-ayrı təsərrüfatlardan gətirilmiş 2 min 454 ev quşunun qan nümunələri Respublika Baytarlıq Laboratoriyasında müayinədən keçirilmişdir.

Nümunələrin heç birində quş qripi xəstələyinin daşıyıcısına təsadüf edilməmişdir.

Xatırladaq ki, sərhədlərdə baytarlıq nəzarəti məntəqələri ciddi iş rejimində fəaliyyət göstərir, rayonların baytarlıq idarələri kifayət qədər dezinfeksiyaedici maddələrlə təmin edilmişdir, xəstəlik qeyd olunan ölkələrdən diri quş, quş məhsulları, yem və yem əlavələrinin gətirilməsinə, habelə köçəri quşların ovlanmasına qoyulmuş qadağa qüvvədə qalır.

MONİTORİNQ ZAMANI GÖTÜRÜLMÜŞ NÜMUNƏLƏRİN HEÇ BİRİNDƏ QUŞ QRİPİ DAŞIYICISINA TƏSADÜF EDİLMƏMİŞDİR

MÜƏLLİFLƏ ƏLAQƏ

Bölmənin digər xəbərləri