MÜDAFİƏ XƏRCLƏRİNİN ARTIRILMASI AZƏRBAYCANIN ÜMUMİ İNKİŞAFININ GÖSTƏRİCİSİDİR
Müdafiə xərclərinin müntəzəm artırılması Azərbaycanın məqsədi deyil, bu, yalnız ölkənin ümumi inkişafını əks etdirir.
AZƏRTAC xəbər verir ki, bunu iyunun 23-də Azərbaycanın Xarici İşlər Nazirliyinin mətbuat katibi Xəzər İbrahim ABŞ dövlət katibinin Avropa və Avrasiya Məsələləri üzrə müavini Daniel Fridin son bəyanatını şərh edərkən bildirmişdir.
X.İbrahim demişdir ki, Azərbaycan təkcə hərbi gücünü inkişaf etdirmir. Ölkəmiz bütün sahələrdə - iqtisadi, siyasi, o cümlədən hərbi sahədə kompleks şəkildə inkişaf edir. Azərbaycan Dağlıq Qarabağ münaqişəsinin tezliklə həll olunması üçün özünün hərtərəfli inkişaf dividendindən istifadə etməlidir.
XİN-in sözçüsü vurğulamışdır ki, Azərbaycan inkişaf sürətinə görə regionun bütün ölkələrini qabaqlayır, bu da təbii ki, bütün sahələrin inkişafına, o cümlədən hərbi potensiala təsir göstərir. Bütün bunlar işğal olunmuş ərazilərin tezliklə azad edilməsinə yönəlmişdir.
Bölmənin digər xəbərləri
