Mütəxəssislər valideynlərin suallarına cavab verəcəklər
Bakı, 4 noyabr, AZƏRTAC
Noyabrın 7-də Nizami Kino Mərkəzində məktəbəqədər yaş dövründə uşaqların erkən inkişafı və təlimi məsələlərinə həsr olunan konfrans keçiriləcək.
AZƏRTAC xəbər verir ki, “Active Moms” klubunun təşkilatçılığı ilə baş tutacaq tədbirdə pediatorlar, psixonevroloqlar, ailə psixoloqları və bu sahə üzrə digər mütəxəssislər iştirak edəcəklər. Onlar valideynlərin uşaqların məktəb yaşınadək psixofiziki inkişafının xüsusiyyətləri barədə suallarını cavablandıracaqlar.
Qeyd edək ki, məktəbəqədər yaş dövründə uşaqların inkişaf xüsusiyyətləri onunla səciyyəvidir ki, bu dövrdə şəxsiyyətin uğurlu və kamil formalaşması baş verir. Uşaqların məktəbəqədər inkişafı bir neçə il davam edir. Həmin dövrdə uşağa qayğıkeş valideynlər və savadlı pedaqoqlar lazımdır. Yalnız bu halda uşaq lazımi bilik və vərdişlərə yiyələnə bilər.
Bölmənin digər xəbərləri
