NATO PA-NIN SƏDRİ PYER LÖLUŞUN AZƏRBAYCANA RƏSMİ SƏFƏRİ BU İLİN PAYIZINDA REALLAŞACAQ
Milli Məclis sədrinin birinci müavini, Azərbaycanın NATO Parlament Assambleyasındakı (PA) nümayəndə heyətinin rəhbəri Ziyafət Əsgərov AZƏRTAC-ın müxbirinə demişdir ki, NATO PA-nın sədri Pyer Löluşun Azərbaycana rəsmi səfəri sentyabr–oktyabr aylarına təxirə salınmışdır. O, bu ilin mayında Azərbaycana səfər etməliydi. Ancaq sonradan Milli Məclisə məktub göndərərək iş cədvəlinin sıxlığı ilə əlaqədar Azərbaycana gələ bilməyəcəyini bildirmişdir.
Z.Əsgərovun sözlərinə görə, NATO PA-nın Paris sessiyası çərçivəsində Pyer Löluşla keçirilən görüşdə bu məsələ bir daha müzakirə edilmiş və səfərin payız aylarında mütləq reallaşdırılması qərara alınmışdır.
Bölmənin digər xəbərləri
