“Neftçi” klubu qış təlim-məşq toplanışı üçün Antalyaya yola düşüb
Bakı, 11 yanvar, AZƏRTAC
Bakının “Neftçi” klubu qış təlim-məşq toplanışı üçün Antalyaya yola düşüb.
AZƏRTAC xəbər verir ki, Bakı təmsilçisi qış hazırlığının növbəti mərhələsini qardaş ölkədə keçirəcək. Dizindən əməliyyat olunan qapıçı Aqil Məmmədov hazırlıq prosesində iştirak etməyəcək. Koronavirusa yoluxmuş Sezar Meza Kolli ilə Tiaqo Bezerra, Afrika Millətlər Kubokunun oyunları üçün Qvineya millisinin düşərgəsində olan Mamadu Kane və karantində olan Xorxe Korrea Türkiyədə kollektivə qoşulacaq.
Qeyd edək ki, “Neftçi” yanvarın 25-dək Antalyada olacaq. Komanda yanvarın 14-də Macarıstanın “Kişvarda”, beş gün sonra Polşanın “Visla” (Plotsk), ayın 24-də isə Bolqarıstanın "MOİK 1948" komandası ilə üz-üzə gələcək.
Bölmənin digər xəbərləri
