“Neftçi”nin yarımmüdafiəçisi Tunis çempionu ilə müqavilə imzalayıb
Bakı, 11 yanvar, AZƏRTAC
Bakının “Neftçi” klubu futbolçu Sabir Buqrini Tunisin “Esperans” komandasına satıb.
AZƏRTAC Bakı təmsilçisinin saytına istinadla xəbər verir ki, 25 yaşlı mərakeşli yarımmüdafiəçi bundan sonra Tunis çempionunun şərəfini qoruyacaq.
Qeyd edək ki, S.Buqrin 2020-ci ilin iyulunda “Neftçi”yə transfer olunub. O, 37-si çempionat, 2-si kubok, 10-u avrokubok olmaqla, 49 matçda “Neftçi”nin formasını geyinib. Altı (4-ü çempionat, 2-si avrokubok) qola imza atan futbolçu 2020/2021-ci il mövsümündə Azərbaycan çempionu olub.
Bölmənin digər xəbərləri
