NOTLARIN YERLƏŞDİRİLMƏSİ ÜZRƏ HƏRRAC KEÇİRİLMİŞDİR
AZƏRTAC xəbər verir ki, mayın 14-də Bakı Fond Birjasında Milli Bankın qeydiyyatından keçmiş, ümumi məbləği 50 milyon manat, hərraca çıxarılan məbləği 35 milyon manat, hər birinin nominal dəyəri 200 manat, tədavül müddəti 28 gün olan qısamüddətli notların yerləşdirilməsi üzrə hərrac keçirilmişdir.
Dörd investorun iştirak etdiyi sifarişlərin nominal məbləği 27 milyon 937 min 600 manat təşkil etmişdir. Sifarişlər 99,21 faiz (gəlirlilik dərəcəsi 10,24 faiz) və 99,24 faiz (gəlirlilik dərəcəsi 9,85 faiz) qiymətdə təqdim edilmişdir.
Notların rəqabətli sifariş üzrə kəsmə qiyməti 99,21 faiz (gəlirlilik dərəcəsi 10,24 faiz) və orta ölçülmüş qiymət 99,22 faiz (gəlirlilik dərəcəsi 10,11 faiz) səviyyəsində Milli Bank tərəfindən müəyyən edilmişdir.
Notların nominal üzrə reallaşdırılmış dəyəri 406 min 800 manat qeyri-rəqabətli sifarişlər daxil olmaqla, 27 milyon 937 min 600 manat müəyyənləşdirilmişdir.
Notlar iyunun 11-də ödəniləcəkdir. Notların mülkiyyət hüquqlarının uçotu BFB-nin depozitarisində aparılır.
