Nyu-York şəhərində azərbaycanlı gənclərlə şəbəkələşmə görüşü olub
Bakı, 9 sentyabr, AZƏRTAC
Azərbaycan Respublikası Gənclər Fondunun (ARGF) dəstəyi, Azərbaycanlı Tələbələr və Məzunlar Platformasının (ASAP) təşkilatçılığı ilə Amerika Birləşmiş Ştatlarının Nyu-York şəhərində “Meet & Greet” adlı şəbəkələşmə tədbiri keçirilib.
ARGF-dən AZƏRTAC-a verilən məlumata görə, 40-a yaxın azərbaycanlı gəncin iştirak etdiyi görüşün rəsmi çıxışları zamanı Azərbaycanın BMT yanında Daimi Nümayəndəliyinin birinci katibi Cavid İsmayılov və ASAP-ın İdarə Heyətinin üzvü MirGünay Bayramova ölkəmizi beynəlxalq arenada təmsil edən Azərbaycan gəncliyinin inkişafı, dövlət gənclər siyasəti çərçivəsində görülən işlər, eləcə də ABŞ-də təhsil alan azərbaycanlı gənclərin layiqli təmsilçiliyi barədə danışıblar. O cümlədən ASAP-ın Nyu-York nümayəndəsi Elman Gözəlov təşkilatın fəaliyyəti, dəstək mexanizmləri, eləcə də gələcək aylarda həyata keçirilməsi planlaşdırılan layihələri barədə məlumat verib.
Daha sonra tədbir iştirakçılar arasında şəbəkələşmə sessiyası ilə davam edib.
Bölmənin digər xəbərləri
