Ole Qunner Sulşer “Mançester Yunayted”lə üçillik müqavilə imzalayıb
Bakı, 28 mart, AZƏRTAC
İngiltərənin “Mançester Yunayted” futbol klubunun baş məşqçisi Ole Qunner Sulşer komanda ilə yeni müqavilə imzalayıb.
AZƏRTAC klubun saytına istinadla xəbər verir ki, yeni müqaviləyə əsasən, 46 yaşlı mütəxəssis 2022-ci ilin yayınadək Mançester təmsilçisini çalışdıracaq.
Sulşer ötən ilin dekabrından “Mançester Yunayted”ə müvəqqəti baş məşqçi təyin olunub. O, portuqaliyalı Joze Mourinyonu əvəzləyib. Onun rəhbərliyi altında komanda 19 görüşün 14-də qələbə qazanıb. Mançester təmsilçisi hazırda İngiltərə çempionatında 30 oyundan sonra 58 xalla 5-ci pillədə qərarlaşıb. UEFA Çempionlar Liqasında isə “Mançester Yunayted” dörddəbir final mərhələsində “Barselona” ilə görüşəcək. Görüşlər aprelin 10-da və 16-da keçiriləcək.
Bölmənin digər xəbərləri
