ÖLKƏNİN ŞƏBƏKƏ İNFRASTRUKTURUNDA YENİ TEXNOLOGİYA TƏTBİQ OLUNUR
Rabitə və İnformasiya Texnologiyaları Nazirliyindən AZƏRTAC-a bildirmişlər ki, növbəti mərhələdə Abşeron rayonunda, Sumqayıt və Gəncə şəhərlərində, eləcə də Salyan, Şəmkir, Ağdaş, Göyçay və Kürdəmirin rayon mərkəzlərində və kəndlərində Next Generation Network (NGN) - gələcək nəsil şəbəkəsinin quraşdırılmasına başlanacaqdır.
NGN texnologiyası ilkin olaraq Bakıda, sonra isə Şamaxı şəhərində və kəndlərində tətbiq olunmuşdur. “Elektron-Azərbaycan”ın kiçik modeli kimi reallaşdırılmış “Elektron-Şamaxı” layihəsi çərçivəsində rayon mərkəzində və kəndlərdə müasir tələblərə cavab verən rabitə şəbəkəsi qurulmuşdur.
Qeyd edək ki, NGN danışıq, görüntü və məlumatların ötürülməsini nəzərdə tutan universal şəbəkədir. Bu texnologiyanın tətbiqi abonentlərə VoLP, səsli poçt, multimedia xidmətləri, virtual özəl şəbəkə, videokonfrans və s. xidmətlərdən istifadə etməyə şərait yaradacaqdır.
Bölmənin digər xəbərləri
