ÖLÜMLƏ NƏTİCƏLƏNƏN YOL-NƏQLİYYAT QƏZASI BAŞ VERMİŞDİR
Daxili İşlər Nazirliyinin mətbuat xidmətindən AZƏRTAC-a bildirmişlər ki, Bakı şəhər sakini Fəzilə Əsgərova Abşeron rayonunun ərazisində idarə etdiyi “Hyunday” markalı avtomaşını aşırmışdır. Nəticədə nəqliyyat vasitəsində olan sərnişinlər-Bakı şəhər sakinləri Əsgər Əsgərov, onun arvadı Ulduzan və Yeganə Əsgərova xəsarətlə xəstəxanaya yerləşdirilmişlər.
Şəki şəhərinin ərazisində Xaçmaz rayon sakini Ruhəddin Kərimovun sürdüyü “VAZ-21150” markalı avtomaşınla şəhər sakini Muxtar Abdullayevin idarə etdiyi “MTZ-82” markalı traktor toqquşmuşdur. Xəsarətlə xəstəxanaya yerləşdirilmiş R.Kərimovun avtomobilində olan sərnişin-Oğuz rayon sakini Rais Əhmədov orada ölmüşdür.
Hadisələrlə bağlı cinayət işi açılmışdır, təhqiqat aparılır.
Bölmənin digər xəbərləri
