Pakistanda güclü leysan on nəfərin ölümünə səbəb olub
Bakı, 1 iyun, AZƏRTAC
Pakistanın şərqində yerləşən Pəncab əyalətində güclü yağışların səbəb olduğu bir neçə bədbəxt hadisə nəticəsində azı on nəfər ölüb, 3 nəfər yaralanıb.
AZƏRTAC xəbər verir ki, bu barədə Sinxua agentliyi yerli KİV-lərə istinadla məlumat yayıb.
Agentliyin məlumatına görə, tufan zamanı Okara şəhərində damın çökməsi nəticəsində dördü uşaq olmaqla, səkkiz nəfər həyatını itirib, üç nəfər xəsarət alıb. Əyalətin digər hissəsində bir nəfər dağılan divarın altında qalaraq ölüb. Daha bir nəfər isə ildırım vurmasının qurbanı olub.
Bazar ertəsi günü Pakistanın meteoroloji departamenti ölkənin müxtəlif yerlərində güclü külək və şimşək çaxması ilə müşayiət olunan tufan barədə xəbərdarlıq edib.
Bölmənin digər xəbərləri
