PƏRAKƏNDƏ ƏMTƏƏ DÖVRİYYƏSİNİN MƏBLƏĞİ 14,7 FAİZ ARTMIŞDIR
Dövlət Statistika Komitəsindən AZƏRTAC-a bildirmişlər ki, yanvar-may aylarında ölkə üzrə pərakəndə əmtəə dövriyyəsinin məbləği ötən ilin eyni dövrü ilə müqayisədə 14,7 faiz artaraq 4,1 milyard manat olmuşdur.
Dövriyyənin 15,6 faizi hüquqi şəxslərin, 45,8 faizi yarmarka və bazarlarda fəaliyyət göstərən fiziki şəxslərin, 38,6 faizi isə hüquqi şəxs yaratmadan ticarət fəaliyyəti göstərən fərdi sahibkarların hesabına formalaşmışdır.
Hesabat dövründə ticarət şəbəkələrindən əhaliyə 2,7 milyard manatlıq ərzaq, 1,4 milyard manatlıq qeyri-ərzaq malları satılmışdır. Bu, 2007-ci ilin eyni dövrü ilə müqayisədə, müvafiq olaraq, 10,5 və 26,1 faiz çoxdur.
Beş ayda əhaliyə 1 milyard 151,1 milyon manatlıq və ya 29,5 faiz çox pullu xidmət göstərilmişdir. Xidmətin 79,2 faizi hüquqi, 20,8 faizi fiziki şəxslərin payına düşmüş və onlar tərəfindən əhaliyə, müvafiq olaraq, 36,5 və 8,3 faiz çox xidmət göstərilmişdir.
Bölmənin digər xəbərləri
