POLŞA SENATININ NÜMAYƏNDƏLƏRİ MƏCBURİ KÖÇKÜNLƏRLƏ GÖRÜŞMÜŞLƏR
Qonaqlar Ermənistan silahlı qüvvələrinin işğal etdiyi ərazilərdən didərgin düşmüş soydaşlarımızın yaşadığı yataqxanaya gələrək, onların mənzil-məişət şəraiti ilə tanış olmuşlar. Nümayəndə heyətinə dövlətimizin qaçqınların və məcburi köçkünlərin sosial şəraitinin yaxşılaşdırılması istiqamətində gördüyü işlər barədə məlumat verilmişdir.
Polşa senatının təmsilçilərinə onlara baş çəkdiklərinə görə minnətdarlıqlarını bildirən məcburi köçkünlər, Azərbaycan Prezidentinin yeritdiyi siyasət sayəsində doğma torpaqlara qayıdacaqlarına əminliklərini dilə gətirmişlər. Onlar dost Polşa dövlətini Azərbaycanın haqq işinin dünyaya çatdırılması, ədalətin bərpa olunması işində ölkəmizə dəstək verməyə çağırmışlar.
Bölmənin digər xəbərləri
