ELM VƏ TƏHSİL
Qafqazşünasların forumunda iştirak etmək istəyənlərin nəzərinə
![Qafqazşünasların forumunda iştirak etmək istəyənlərin nəzərinə](/files/2022/1/1200x630/16451009992005325252_1200x630.jpg)
Bakı, 17 fevral, AZƏRTAC
İyun ayında keçiriləcək Qafqazşünasların III Beynəlxalq Forumuna məruzələr qəbul olunur.
Bu barədə AZƏRTAC-a Qafqazşünaslıq İnstitutundan məlumat verilib. Bildirilib ki, məruzələrin qəbulu aprelin 10-dək davam edəcək. Forumun bölmələrinə aid olmayan və lazımi qaydada tərtib edilməyən məruzələr baxılmadan geri qaytarılacaq.
Forum “Vətən müharibəsi və Qafqazda yeni reallıqlar”, “Qafqaz regionunda ictimai-siyasi proseslər”, “Qafqazda münaqişələr”, “Böyük və qonşu dövlətlərin Qafqaz siyasəti”, “Qafqaz dövlətləri çoxtərəfli əməkdaşlıq sistemində”, “Qafqazda sivilizasiyaların və mədəniyyətlərin qarşılıqlı əlaqəsi” bölmələrini əhatə edəcək.
Tədbir Qafqazşünaslıq İnstitutunun təşkilatçılığı ilə AMEA-nın Mərkəzi Elmi Kitabxanasında keçiriləcək. Forumun dəqiq tarixi haqqında əlavə məlumat veriləcək.