® Nurlana Miabi: Kosmetologiyada 2024-cü ilin trendi təbii gözəllikdir
Bu gün tibbin ən sürətlə inkişaf edən sahəsi kosmetologiyadır. Hər kəs zamanı geri qaytarmaq, gənc görünüşə sahib olmaq istəyir. Bəziləri buna nail olsalar da, qeyri-peşəkar əlinə düşənlər, əksinə, öz təbii gözəlliyini də itirir. O zaman belə bir sual yaranır - Doğru kosmetoloqu, klinikanı və metodikanı necə seçək?
Azərbaycanda “Baby Face” metodikasının yaradıcısı, həkim-kosmetoloq Nurlana Miabi ilə kosmetologiyanın müasir trendləri və xanımları 10 yaş cavanlaşdıran “Baby Face” metodikası ilə bağlı suallara aydınlıq gətirməyə çalışdıq.
-Nurlana xanım, peşəkar kosmetoloqu necə seçməliyik?
-Kosmetoloqa müraciət etmədən əvvəl onun icra etdiyi prosedurlar, gördüyü işlərin nəticələri, müştəri rəyləri diqqətlə araşdırılmalıdır. Xanımlar seçdikləri kosmetoloqun sosial media səhifələrindən məlumat toplamalıdırlar. Düşünürəm ki, əgər bir kosmetoloqun müştəriləri onun xidmətlərindən məmnundurlarsa, öz fikirlərini bildirirlərsə, siz həmin müştərilərlə canlı olaraq da əlaqə saxlayıb, real nəticəni müşahidə edə bilərsiniz ki, aldanmayasınız. Bu zaman əmin olun ki, üzünüzdə radikal olaraq hansısa bir xoşagəlməz dəyişiklik müşahidə etməyəcəksiniz.
-Siz Azərbaycanda “Baby Face” metodikasının müəllifisiniz. “Baby Face” texnikası nədir? Əsas prinsipləri hansılardır?
-“Baby Face” metodikasının əmtəə nişanının sahibiyəm. Bu metodika artıq 8 ildir ki, Azərbaycanda tətbiq edilir. Qürurla deyə bilərəm ki, xanımların rəğbətini qazanıb və sağlam, cavan dəriyə sahib olmaq istəyən xanımlarımız bu metodikaya müraciət edirlər. Əsas fərqimiz ondadır ki, bu metodika dolğu, botoks, kobud müdaxilə, heç bir yanma, travma olmadan dərini tam sağlam şəkildə müalicə edir, cavanlaşdırır. Həmçinin dəridə olan bir çox qüsurları - piqment ləkələri, genişlənmiş məsamələri, dəri quruluğu, xırda kapilyarlar və s. problemləri aradan qaldırır. “Baby Face”ə müraciət edən xanımlar gələcəkdə sağlam dəri üçün zəmin yaradır. “Baby Face” metodikası peptid tərkibli orqanik, natural kremlərlə həyata keçirilir. Proses hüceyrə səviyyəsində getdiyi üçün cavanlaşma təbii resurslarınız sayəsində baş verir və beləliklə də dəri 1 günlük, 1 aylıq deyil, uzun illər öz təravətini, parlaqlığını qoruyub saxlayır.
-Nurlana xanım, hansı elmi araşdırmalar “Baby Face” texnikasının effektivliyini və təhlükəsizliyini təsdiqləyir?
-İlk növbədə, “Baby Face” metodikası təbiiliyi ilə tanınır. Burada təbii üz baxımından söhbət gedir və dünya elmi sübut edir ki, təbii baxımların heç bir əks təsiri yoxdur. Bu metodika da təbii qulluğun bir qoludur. Odur ki, rahatlıqla deyə bilərik ki, təbii üz qulluğu və bu zaman istifadə olunan vasitələr həmişə trenddədir və təhlükəsizdir.
-Bu metodikanın gələcəyi barədə danışsaq qarşıdakı illərdə “Baby Face”in inkişafını necə görürsünüz və hansı yanaşmalar prioritet olacaq?
-Ümumiyyətlə, kosmetologiyada 2024-cü ilin trendi, ilk növbədə, təbii gözəllikdir. İkinci trend üz baxımı prosedurlarıdır. Mən 3-cü məqama xüsusi diqqət yetirmək istəyirəm. Pasiyentə nümayiş olunmalıdır ki, üzünə nə çəkilir, hansı preparatlardan istifadə olunur. Sevinc hissi ilə bildirmək istəyirəm ki, bizim üçün daha bir yenilik tezliklə “Baby Face” brendinə aid olan təbii kosmetik vasitələrin istehsalı olacaq.
-2024-cü ildə kosmetologiyada hansı yeni tendensiyaları və yenilikləri ən əhəmiyyətli hesab edirsiniz?
-Mən düşünürəm ki, biz artıq yeniliyi 8 il əvvəl - bu metodikanı Azərbaycanda tətbiq etməklə etdik. Kosmetologiyada ən azı 20 il irəliyə getdik. Çünki biz “Baby Face by Dr. Miabi” mərkəzini açanda təbiilik o qədər də aktual deyildi. Amma son 2 ildə müşahidə edirik ki, insanlar yenə də təbiiliyə qayıdır və daha çox təbii görünüşə üstünlük verirlər. Burada üz cizgilərindən də söhbət gedir. Artıq heç kim donmuş baxışlara sahib olmaq istəmir. Ona görə yenə də vurğulamaq istəyirəm ki, xüsusi trend bu il təbiilikdir.
-İynəsiz, təbii yollarla cavanlaşmaq üçün hansı yaşda müraciət edilməlidir?
-Ümumiyyətlə, 28 yaşdan sonra fizioloji yaşlanma başlayır. Ona görə də xanımlar 35-38 yaşdan sonra antiage prosedurlar üçün müraciət edə bilərlər. Elə olur ki, xanımın 40 yaşı var, amma dərisinin fizioloji yaşı 50 yaşında insanın dərisini xatırladır. Qeyd edim ki, hər yaşın öz proqramı var. Bizim prosedurlardan sonra artıq 2-ci seansdan nəticəni görmək mümkündür.
- Bu gün hansı kosmetoloji prosedurlar aktuallığını itirib?
- Artıq insanlar ümid etdiyi və müraciət etdikdən sonra heç bir nəticə əldə etmədikləri prosedurlara müraciət etmirlər. Qiymət baxımından da o prosedurlar o dərəcədə ucuzlaşdırılıb ki, düşünürəm ki, effektiv bir prosedur heç vaxt bazarda o qiymətə təklif oluna bilməz. Əgər təklif olunursa, deməli, ona tələbat qətiyyən yoxdur. Lazer prosedurları, dermapen, karbon pillinq kimi kosmetoloji prosedurlar artıq aktuallığını itirib.
Mən həmişə deyirəm ki, əgər hansısa bir prosedur dəri səthini zədələyirsə, orada heç bir gözəllikdən, cavanlaşmadan söhbət gedə bilməz.
-İynədən qorxan, lakin gənc qalmaq istəyən xanımlara tövsiyəniz?
- İynədən qorxan xanımlara, ilk növbədə, tövsiyə edərdim ki, “Baby Face” metodikasından yararlansınlar. Həqiqətən də bu, bir şansdır ki, Azərbaycanda biz bu metodikanı yaratmışıq. Əksər pasiyentlərimiz xarici ölkələrdən, qonşu dövlətlərdən, Türkiyədən bizə müraciət edirlər. Bizim xanımlar da bu metodikadan geniş istifadə edir. Lakin aralarında təəssüf ki, bu haqda məlumatsız olanlar da var. “Baby Face” metodikasından faydalanan xanımlar bilirlər ki, artıq 5-10 ildən sonra onların dərisi mükəmməl vəziyyətdə olacaq. Bəzi prosedurlardan sonra olduğu kimi yox. Dəri öz şəffaflığını itirməyəcək, əksinə, par-par parıldayacaq.
“Baby Face” metodikasının əmtəə nişanının sahibi Nurlana Miabi
051 500 21 10
050 833 90 40
Bölmənin digər xəbərləri
