NBC: Tramp vitse-prezident postuna kimin namizəd olacağına qərar verib
Bakı, 23 iyun, AZƏRTAC
ABŞ-ın keçmiş prezidenti Donald Tramp administrasiyasında vitse-prezident postuna kimin namizəd olacağına qərar verib.
AZƏRTAC xəbər verir ki, bu barədə “NBC News” telekanalı məlumat yayıb.
Məlumata görə, Tramp müvafiq bəyanatı Pensilvaniyada tərəfdarlarının mitinqindən əvvəl deyib. Siyasətçi bildirib ki, bu şəxs iyunun 27-də hazırkı Amerika lideri Co Bayden ilə televiziya debatında iştirak edəcək, lakin hələlik respublikaçının seçimini heç kim bilmir.
Kanalın mənbələri qeyd ediblər ki, Trampın vitse-prezidenti vəzifəsinə əsas namizədlər Şimali Dakota ştatının qubernatoru Duqlas Burqum, Ohayo senatoru Ceyms Devid Vens və Florida senatoru Marko Rubiodur.
Qeyd edək ki, iyunun 27-nə planlaşdırılan teledebat ABŞ tarixində hazırkı və keçmiş prezidentlər arasında ilk debat olacaq. Teledebat Corciya ştatının Atlanta şəhərində baş tutacaq və 90 dəqiqə davam edəcək. Debatı CNN jurnalistləri idarə edəcək.
Bölmənin digər xəbərləri
