Dağıstanda antiterror əməliyyatı rejimi tətbiq edilib
Bakı, 23 iyun, AZƏRTAC
Dağıstanda antiterror əməliyyatı rejimi tətbiq edilib və hazırda kilsə və sinaqoqu atəşə tutan yaraqlıların zərərsizləşdirilməsi üçün tədbirlər görülür. AZƏRTAC xəbər verir ki, bu barədə Rusiya Milli Antiterror Komitəsi məlumat yayıb.
“Vətəndaşların təhlükəsizliyini təmin etmək, terror cinayətlərinin qarşısını almaq və silahlı hücumda iştirak edən şəxslərin tutulması üçün Rusiya FSB-nin Dağıstan üzrə departamentinin rəhbəri antiterror əməliyyatı keçirmək qərarına gəlib”, - məlumatda deyilir.
Hazırda Mahaçqala və Dərbənddə kilsə və sinaqoq binalarını atəşə tutan silahlı şəxslərin axtarışı və zərərsizləşdirilməsi istiqamətində tədbirlər davam etdirilir.
Bölmənin digər xəbərləri
