QƏTƏR DÖVLƏTİNİN ƏN NÜFUZLU QƏZETİNDƏ ULU ÖNDƏR HAQQINDA GENİŞ MƏQALƏ DƏRC OLUNMUŞDUR
Azərbaycan Respublikasının Qətər Dövlətindəki səfirliyindən AZƏRTAC-a daxil olmuş məlumatda bildirilir ki, ümummilli liderin 85 illik yubileyi ilə əlaqədar bu ölkənin ən nüfüzlu mətbuat orqanı olan “Əl Raya” qəzetində “Heydər Əliyev - Azərbaycan xalqının əfsanəsi” sərlövhəli geniş məqalə dərc edilmişdir.
Məqalədə ümummilli liderin həyatı və siyasi fəaliyyəti, otuz ildən çox Azərbaycana rəhbərlik etməsi, Azərbaycan müstəqillik əldə etdikdən sonra ölkənin ağır siyasi böhran vəziyyətində olduğu bir dövrdə xalqın tələbi ilə hakimiyyətə qayıdışı, qısa bir zamanda ölkəni nəinki böhran vəziyyətindən çıxarması, eyni zamanda Azərbaycanı bölgədə güclü iqtisadiyyata malik lider dövlətə çevirməsi, onun yeni neft strategiyası sayəsində “Əsrin müqaviləsi”nin həyata keçirilməsi haqqında məlumatlar əksini tapmışdır.
Məqalədə, həmçinin müasir Azərbaycanın memarı və qurucusu Heydər Əliyevin bütün dünya dövlətləri, o cümlədən ərəb və digər müsəlman ölkələri ilə əlaqələrin inkişaf etdirilməsi sahəsində əvəzsiz xidmətləri, həmçinin onun səyləri nəticəsində Azərbaycanın nüfuzlu beynəlxalq təşkilatlara üzv qəbul edilməsi qeyd olunmuşdur.
Bölmənin digər xəbərləri
