Qonaq qaldığı evdən 12 min manatlıq qızıl oğurlayan şəxs saxlanılıb VİDEO
Masallı, 18 iyul, İlkin Adıyev, AZƏRTAC
Masallı rayonu ərazisində yerləşən evlərin birindən 12 min manat dəyərində qızıl-zinət əşyaları və içərisində 710 manat olan bank kartının oğurlanması barədə polisə məlumat daxil olub.
Daxili İşlər Nazirliyinin mətbuat xidmətinin Lənkəran regional qrupundan AZƏRTAC-ın bölgə müxbirinə verilən məlumata görə, araşdırmalarla pul və zinət əşyalarının həmin evdə qonaq olmuş şəxs tərəfindən oğurlanması müəyyən edilib.
Masallı Rayon Polis Şöbəsinin əməkdaşlarının keçirdikləri tədbirlərlə əməli törətməkdə şübhəli bilinən 21 yaşlı Fərman Babayev saxlanılıb. Faktla bağlı cinayət işi başlanılıb, saxlanılan şəxs barəsində məhkəmənin qərarı ilə həbs qətimkan tədbiri seçilib.
Bölmənin digər xəbərləri
