QULDURLUQ VƏ SOYĞUNÇULUQLA MƏŞGUL OLAN ŞƏXSLƏR TUTULMUŞLAR
Daxili İşlər Nazirliyinin mətbuat xidmətindən AZƏRTAC-a bildirmişlər ki, Sabunçu rayonunun Nardaran qəsəbəsində qəsəbə sakini Sahib Bayramov maska geyinərək Eldar Dadaşova məxsus bağ evinin gözətçiləri İlqar Quliyevi və Kənan Gərəkmədlini tapança ilə hədələyərək 3 dəfə atəş açmış və pul vermələrini tələb etmişdir.
Baş Mühafizə İdarəsi əməkdaşları tərəfindən S.Bayramov tutulmuş, ondan 1 ədəd bıçaq və yapışqanlı kağız götürülmüşdür. Hadisə yerinin yaxınlığından S.Bayramovun cinayəti törədərkən istifadə etdiyi 1 ədəd idman tapançası tapılmışdır.
Sumqayıt Şəhər Polis İdarəsi əməkdaşlarının keçirdikləri əməliyyat-axtarış tədbirləri nəticəsində R.Cənnətovaya qarşı soyğunçuluq etmiş şəhər sakini Əfsun Nəcəfov tutulmuşdur.
Zaqatala Rayon Polis Şöbəsinin əməkdaşları isə Sədaqət Durmuşovaya qarşı soyğunçuluq etmiş Qurban Kusayevi yaxalamışlar.
Faktlarla bağlı cinayət işi açılmışdır, araşdırmalar aparılır.
Bölmənin digər xəbərləri
