“QURAN VƏ AZƏRBAYCAN ƏDƏBİYYATI” MÖVZUSUNDA ELMİ SESSİYA ÖZ İŞİNƏ BAŞLAMIŞDIR
Sessiyanın məhz Quranın nazil olduğu Ramazan ayında keçirilməsini müqəddəs bir iş kimi vurğulayan muzeyin direktoru, filologiya elmləri doktoru, Milli Məclisin deputatı Rəfael Hüseynov “Klassik Azərbaycan şerində Quran obrazları və Quran düşüncə tərzi” mövzusunda məruzə etmişdir.
Quran obrazının, Quran düşüncə tərzinin klassik Azərbaycan ədəbiyyatında izlərinin müxtəlif istiqamətləri barədə danışan natiq bildirdi ki, XV-XVI əsr klassiklərimiz yaradıcılıqlarında bəzən Quran ayələrindən iqtibaslar gətirib, bəzən isə həmin ayələrdəki fəlsəfi düşüncəni şerlərində əridərək ədəbiyyatımızın mayasına hopdurublar. Bütövlükdə isə klassiklərimiz Qurandakı dərin fəlsəfədən bəhrələniblər.
Sessiyanın ilk günündə Bakı Dövlət Universitetinin dosenti Aida Qasımovanın “Quran qissələri və klassik Azərbaycan ədəbiyyatı” mövzusunda məruzəsi də maraqla qarşılanmışdır.
Sessiya öz işini davam etdirir.
Bölmənin digər xəbərləri
