“Risklərin İdarə Edilməsi üzrə Ekspert Qrupu”nun növbəti iclası olub
Bakı, 26 iyul, AZƏRTAC
Azərbaycan Banklar Assosiasiyası (ABA) nəzdində fəaliyyət göstərən “Risklərin İdarə Edilməsi üzrə Ekspert Qrupu”nun növbəti onlayn iclası keçirilib.
ABA-dan AZƏRTAC-a bildirilib ki, iclas zamanı “Bank kapitalının və onun adekvatlığının hesablanması Qaydaları”nın yeni layihəsi ilə əlaqədar bankların rəy və təklifləri üzrə müzakirələr aparılıb.
Qeyd edək ki, Azərbaycan Banklar Assosiasiyası 1990-cı ildə kommersiya bankları tərəfindən təsis edilib. ABA-nın əsas məqsədi üzv-təşkilatların maraqlarını qorumaq, onların müxtəlif növ işgüzar xidmətlərə olan ehtiyaclarının ödənilməsinə yardım göstərmək və fəaliyyətlərini əlaqələndirməkdən ibarətdir. Hazırda 26 bank və 5 qeyri-bank təşkilatı ABA-nın üzvüdür.
Bölmənin digər xəbərləri
