XİN: Çin İran məsələsində atəşkəsin tərəfdarıdır
Pekin, 10 iyun, AZƏRTAC
Çinin Xarici İşlər Nazirliyi (XİN) tərəfləri İranda ən qısa müddətdə tam atəşkəs elan etməyə çağırıb.
AZƏRTAC xəbər verir ki, Çin XİN-in rəsmisi Lin Cien media brifinqdə ölkəsinin İrandakı mövcud vəziyyətdən dərin narahatlıq keçirdiyini deyib.
“Tərəflər sakit və təmkinli olmalı, münaqişəni və gərginliyi dayandırmalı, vəziyyəti normallaşdırmaq üçün konkret tədbirlər görməlidir”, - deyə o bildirib.
Lin Cien əlavə edib ki, tərəflər mübahisələri siyasi və diplomatik vasitələrlə həll etməkdə israrlı olmalı, ən qısa müddətdə hərtərəfli və davamlı atəşkəs üçün çalışmalıdır.
Şahin Cəfərov
AZƏRTAC-ın xüsusi müxbiri
Pekin
Bölmənin digər xəbərləri
