Rusiya və Azərbaycan dəmir yolları sahəsində əməkdaşlığı daha da inkişaf etdirəcəklər
Bakı, 6 oktyabr, AZƏRTAC
Moskvada “Azərbaycan Dəmir Yolları” Qapalı Səhmdar Cəmiyyətinin (QSC) sədri Cavid Qurbanovla “Rusiya Dəmir Yolları” Açıq Səhmdar Cəmiyyətinin prezidenti Oleq Belozerov arasında ikitərəfli görüş olub.
QSC-nin mətbuat katibliyindən AZƏRTAC-a bildirilib ki, görüşdə “Azərbaycan Dəmir Yolları”nın sədri C.Qurbanov Azərbaycan Dəmir Yolunda reallaşdırılan layihələr, qarşıda duran perspektiv vəzifələr haqqında və “ADY” QSC-nin Rusiya şirkətləri ilə iqtisadi əlaqələri barədə ətraflı məlumat verib.
Daha sonra dəmir yolu sahəsinin inkişaf etdirilməsi, Rusiya və Azərbaycanın ərazisindən daşınan sərnişin və tranzit yüklərin həcminin artırılması, nəqliyyat dəhlizlərinin inkişaf etdirilməsi sahəsində əməkdaşlığın bundan sonra da inkişaf etdirilməsi məsələləri müzakirə olunub.
Bölmənin digər xəbərləri
