Rusiya vətəndaşlığını qəbul edərkən ikinci vətəndaşlıqdan imtina etməmək mümkün olacaq
Moskva, 14 aprel, AZƏRTAC
Dövlət Duması Rusiya vətəndaşlığını qəbul edərkən digər ölkənin vətəndaşlığından imtina etməməyə imkan verən qanun layihəsini birinci oxunuşda qəbul edib.
AZƏRTAC xəbər verir ki, hazırda Rusiya vətəndaşı olmaq üçün ərizə verən əcnəbi öz ölkəsində vətəndaşlıqdan imtina barədə müraciət verdiyini təsdiq etməlidir. Yeni qanun layihəsi qəbul edilərsə, bu tələb aradan qaldırılacaq.
MDB, Avrasiya İnteqrasiyası və Həmvətənlərlə Əlaqə Komitəsinin sədri Leonid Kalaşnikov bildirib ki, layihə ikinci oxunuşda aprelin 17-də nəzərdən keçiriləcək.
Fəridə Abdullayeva
AZƏRTAC-ın xüsusi müxbiri
Moskva
Bölmənin digər xəbərləri
