RUSİYALILARA “HAMININ ƏLEYHİNƏ” SƏS VERMƏK QADAĞAN EDİLDİ

10.06.2006 [11:22]
Çap et
A⁺ A^-

AZƏRTAC “Novosti” agentliyinə istinadla xəbər verir ki, Dövlət Dumasının deputatları seçki bülletenlərindəki “hamının əleyhinə” sütununun ləğv edilməsini birinci oxunuşda dəstəkləmişlər. Bu dəyişiklik bütün səviyyələrdə seçkilərə şamil olunacaqdır.

“Rusiya Federasiyası vətəndaşlarının seçki hüquqlarının və referendumda iştirak hüququnun əsas təminatları haqqında”, “Rusiya Federasiyası Prezidentinin seçkiləri haqqında” və “Rusiya Federasiyası Federal Məclisinin Dövlət Duması deputatlarının seçkiləri haqqında” qanunlara müvafiq dəyişikliklər olunacaqdır.

Dövlət Dumasının Konstitusiya qanunvericiliyi və dövlət quruculuğu komitəsinin sədri Vladimir Pligin bildirmişdir ki, bu yenilik seçki prosesinin konstruktivliyinin və seçicilərin vətəndaş şüurluluğunun yüksəlməsinə kömək edəcəkdir. O xatırlatmışdır ki, əksər xarici ölkələrdə seçki bülletenlərində “hamının əleyhinə” sütunu yoxdur.

RUSİYALILARA “HAMININ ƏLEYHİNƏ” SƏS VERMƏK QADAĞAN EDİLDİ

MÜƏLLİFLƏ ƏLAQƏ

Bölmənin digər xəbərləri