Şamaxının ucqar dağ kəndlərinə 30 santimetr qar yağıb, yollarda nəqliyyatın hərəkəti məhdudlaşıb
Şamaxı, 13 mart, AZƏRTAC
Dünən günorta saatlarından başlayaraq Şamaxı rayonunun ucqar dağ kəndlərinə yağan qar və ötən gecə yolların buz bağlaması nəqliyyatın hərəkətinə ciddi maneələr yaradıb.
AZƏRTAC-ın bölgə müxbiri xəbər verir ki, təxminən 25-30 santimetr qalınlığında olan qar və Şamaxı-Pirqulu yolunun buz bağlaması nəqliyyatın hərəkətini çətinləşdirib. Rayonun Qızmeydan, Qəleybuğurd, Pirbəhli, Keçmədil, Qaladərəsi, Sis, Dəmirçi, Zaradxeyberi kəndlərinə gedən yolda avtomobillərin hərəkəti bir neçə saatlıq məhdudlaşıb.
Əraziyə Şamaxı rayon 8 saylı Yol İstismar İdarəsinin canlı qüvvəsi və texnikası cəlb olunub, yollara qum-duz qarışığı səpilir.
Buna baxmayaraq, hazırda həmin ərazidə havanın şaxtalı olması səbəbindən yolların yenidən buz bağlayacağı bildirilir.
Bölmənin digər xəbərləri
